INJU
Kirish Bepul boshlash
Inju — marvarid

Do'koningiz markazda. Qolganini INJU bog'laydi.

Kassa, ombor, qarzlar va hisobotlar — telefoningizda va kompyuteringizda. Xaridor, yetkazib beruvchi, kuryer va filiallaringiz esa shu tizimning o'zida. Bitta obuna to'laysiz, savdongizdan foiz olinmaydi.

14 kun bepul sinash Ilovalarni yuklab olish
Rasmdagi qismlarga bosing

Sizning do'koningiz

Marvarid — bu siz. Kassa, ombor, qarz daftari, xodimlar va hisobotlar shu yerda. Atrofdagilar sizga INJU orqali ulanadi.

INJU Business · INJU Kassa · Web panel · INJU Market Do'koningiz
Nima beradi

Daftar, kalkulyator va «esimda bor» o'rniga.

Har bir do'konda bo'ladigan tanish holatlar — va ular INJU'da qanday hal bo'ladi.

  1. Oldin

    Qarzlar daftarda. Kim qancha olgani, qachon to'lagani — chalkash, sahifa yo'qolsa hammasi ketadi.

    Qarz daftari telefoningizda

    Har bir xaridorning qarzi, nima olgani va qachon to'lagani yozilib boradi. Xaridor ham o'z qarzini INJU ilovasida ko'radi.

  2. Oldin

    Muddati o'tgan qatiq, kolbasa javonda qolib ketadi. Bilib qolganingizda — tashlashdan boshqa chora yo'q.

    Muddati yaqinlashsa — oldindan aytadi

    Tovar kelganda muddati yoziladi, har bir partiya alohida. INJU qaysi tovarning muddati tugayotganini ro'yxat qilib beradi — chegirma qilib sotishga ulgurasiz.

  3. Oldin

    Oy oxirida hisob to'g'ri kelmaydi. Tovar qayerga ketdi — singanmi, o'g'irlanganmi, xato yozilganmi — bilib bo'lmaydi.

    Kamomad hisoboti

    Har bir kirim, sotuv, qaytarish va hisobdan chiqarish narxi bilan yoziladi. Qancha tovar, qancha so'mlik yo'qolgani va sababi bir sahifada.

  4. Oldin

    Internet o'chdi — kassa to'xtadi. Navbatda turgan xaridor ketib qoladi.

    Kassa internetsiz ham sotadi

    INJU Kassa va telefondagi kassa savdoni saqlab turadi, internet qaytganda o'zi yuboradi. Bitta sotuv ham yo'qolmaydi.

  5. Oldin

    Dollar kursi o'zgardi — yarim kun narx yorliqlarini qayta yozib chiqasiz.

    Narx valyutada, kurs avtomatik

    Tovar narxini dollar, yevro yoki rublda kiriting. So'mdagi narx Markaziy bank kursi bo'yicha har kuni o'zi hisoblanadi.

  6. Oldin

    Do'konda nima bo'layotganini bilish uchun har kuni borib turishingiz kerak.

    Do'kon cho'ntagingizda

    Bugungi savdo, foyda, kam qolgan tovarlar, smena va xodimlar — telefonda, istalgan joydan. Ikkinchi do'kon ochsangiz, filiallar alohida, hisobot umumiy.

Ilovalar

To'rtta ilova. Bitta hisob.

Bir marta ro'yxatdan o'tasiz — telefonda, kassada va kompyuterda bir xil ma'lumot. Biror joyda o'zgartirsangiz, hamma joyda yangilanadi.

INJU Business

Do'kon egasi, kassir, yetkazib beruvchi va kuryer uchun

Do'konning hammasi bitta ilovada. Telefon kassaga aylanadi, ombor va qarzlar qo'lingizda bo'ladi.

  • Telefonda kassa: shtrix-kodni kamera bilan o'qiydi, naqd, karta va o'tkazmani bitta chekda qabul qiladi
  • Ombor, kirim, filiallar orasida tovar ko'chirish
  • Qarzlar, xaridorlarga bonus va promo-kodlar
  • Excel hisobotlar: savdo, foyda, qoldiq, qarzdorlar, xarajatlar
  • PIN va Face ID bilan qulf, ekrandagi vidjetda bugungi savdo
Qayerda
iPhone, iPad, Android
Internet
Kassa internetsiz ham ishlaydi

INJU Kassa

Kassa kompyuteri uchun

Kun bo'yi sotadigan kassir uchun tez va sodda kassa. Internet uzilsa ham to'xtamaydi.

  • Skaner, chek printeri va tarozi bilan ishlaydi; bir nechta kassa bitta printerni bo'lishishi mumkin
  • Tarozi yorlig'idagi og'irlik va narxni o'zi o'qiydi
  • Tovar qabul qilish va sanoq — skanerlab, bitta tasdiq bilan
  • To'plam va retseptlar: sotilganda tarkibidagi har bir tovar ombordan ayriladi
  • Smena, qaytarish, xarajatlar, kamomad va muddati yaqin tovarlar
Qayerda
macOS, Windows
Internet
Kerak emas — keyin o'zi yuboradi

Web panel

panel.inju.uz — kompyuterdan boshqarish uchun

Katta ekranda katalog, ombor va hisobotlar bilan ishlash uchun. Hech narsa o'rnatish shart emas.

  • Katalog: tovarlarni Excel'dan yuklash, shtrix-kod va narx yorliqlarini chop etish
  • Ombor hujjatlari, inventarizatsiya, partiyalar va muddatlar
  • Kamomad hisoboti, foyda va xarajatlar, barcha filiallar bo'yicha umumiy hisobot
  • Xodimlar va ularning huquqlari — tannarxni kassirdan yashirish mumkin
  • Valyuta narxlari, tarozi yorliqlari, onlayn buyurtma sozlamalari
Qayerda
Istalgan brauzer

INJU Market

Xaridorlar uchun — ilova va market.inju.uz

Yaqin atrofdagi do'konlar bitta bozorda. Xaridor qayerda arzonligini ko'radi va buyurtma beradi.

  • Bir tovarning narxini bir nechta do'kon bo'yicha solishtirish
  • Buyurtma: do'kondan olib ketish yoki uygacha yetkazish
  • Kuryer qayerdaligini xaritada kuzatish
  • Kassadan olingan cheklar, qarzlar va bonuslar telefonda
Qayerda
iPhone, Android, brauzer
Kimlar uchun

Siz kimsiz?

Har kim INJU'dan o'zi uchun kerakli qismini oladi.

«Do'konimni uzoqdan turib ham ko'rib turishni xohlayman.»

  • Kassa, ombor, qarzlar va hisobotlar bitta joyda
  • Filiallar, xodimlar va ularning huquqlari
  • Yetkazib beruvchilardan bir bosishda buyurtma
  • INJU Market orqali yangi xaridorlar va onlayn buyurtmalar
  1. Ro'yxatdan o'tingpanel.inju.uz'da telefon raqamingiz bilan — SMS kod keladi. 14 kun bepul.
  2. Tovarlarni kiritingExcel faylidan yuklang yoki shtrix-kodni skanerlab qo'shing.
  3. Sotishni boshlangINJU Kassa'ni kompyuterga yoki INJU Business'ni telefonga o'rnating.
Bepul boshlash
Hamkorlik

Bitta do'kon emas — butun ko'cha.

Qo'shni do'kon, yetkazib beruvchi va kuryer — hammasi INJU ichida. Telefon qilib, daftarga yozib o'tirmaysiz: so'rov, buyurtma va hisob-kitob ilovada.

01 · Do'kondan do'konga

Qo'shni bilan tovar almashing

QR kod orqali ulanasiz. Tovar tugab qolsa — qo'shnidan nasiyaga olasiz, ortib qolsa — taklif qilasiz. Kim kimdan qancha qarzi borligi o'zi yoziladi.

02 · Taklif qiling

Do'kon taklif qiling — daromad oling

Taklif kodingiz orqali ulangan har bir do'konning obunasidan har oy ulush olasiz. U do'kon esa birinchi oyni chegirma bilan boshlaydi.

03 · Yetkazib beruvchi

Katalogdan bir bosishda buyurtma

Yetkazib beruvchingizni INJU'ga taklif qiling. Uning narxlari ilovangizda turadi, buyurtma holatini kuzatasiz, tovar kelganda omborga o'zi tushadi.

Narx

Bitta obuna. Savdongizdan foiz yo'q.

Do'kon sizniki — tushum ham sizniki. INJU faqat oylik obuna oladi. Ilovalarni yuklab olish bepul, birinchi 14 kun ham bepul.

Sinov

0 so'm
14 kun
  • 50 tagacha tovar
  • 2 tagacha xodim
  • Kassa
  • Asosiy hisobotlar

Boshlang'ich

159 000 so'm
30 kun
  • 500 tagacha tovar
  • 5 tagacha xodim
  • Kassa
  • Asosiy hisobotlar
  • Ombor
  • Yetkazib beruvchilar

Premium

359 000 so'm
30 kun
  • Cheksiz tovar
  • Cheksiz xodim
  • Kassa
  • To'liq hisobotlar
  • Ombor
  • Yetkazib beruvchilar
  • Aksiya va promo-kodlar
  • Bir nechta kassa
  • Ustuvor yordam
14 kun bepul sinash
Savollar

Ko'p so'raladi

Javob topmasangiz, qo'ng'iroq qiling: +998 20 034 44 22

Internet bo'lmasa ishlaydimi?

Ha. INJU Kassa va INJU Business'dagi kassa internetsiz sotishda davom etadi. Sotuvlar qurilmada saqlanadi va internet qaytganda o'zi yuboriladi.

Qaysi qurilmalarda ishlaydi?

iPhone va iPad, Android telefonlar, Mac va Windows kompyuterlar. Web panel va INJU Market istalgan brauzerda ochiladi.

Savdomdan foiz olasizmi?

Yo'q. INJU faqat oylik obuna oladi. Qancha sotsangiz ham, obuna narxi o'zgarmaydi.

Tovarlarimni qanday kiritaman?

Excel faylidan bir martada yuklashingiz, shtrix-kodni skanerlab qo'shishingiz yoki yetkazib beruvchi katalogidan buyurtma berishingiz mumkin — tovar barcha ma'lumoti bilan omborga tushadi.

Printer, skaner va tarozi kerakmi?

Shart emas, telefon kamerasi ham shtrix-kodni o'qiydi. Lekin INJU Kassa chek printeri, shtrix-kod skaneri va tarozi yorliqlari bilan ishlaydi. Bir nechta kassa bitta printerdan foydalanishi mumkin.

Soliq cheki (fiskal) bormi?

Ixtiyoriy ravishda ulanadi. Chekda fiskal QR kod chiqadi, markirovka kodlari («Asl belgisi») ham qo'llab-quvvatlanadi.

Kassir hamma narsani ko'radimi?

Yo'q. Har bir xodim nimani ko'rishi va nima qila olishini o'zingiz belgilaysiz. Masalan, tovar tannarxini kassirdan yashirish mumkin.

Bugun boshlang. 14 kun bepul.

Ro'yxatdan o'tish Ilovalarni yuklab olish